أهلا وسهلاً بكم فى "تي في ايجي" للدخول الينا مرة اخري اكتب فى جوجل ( تحميل مسلسلات اجنبي TV EGY ) أو اضغط ctrl+d لإضافتنا الي مفضلتك


صفحة 1 من 2 12 الأخيرةالأخيرة
النتائج 1 إلى 10 من 13
  1. #1
    عضو نشيط
    تاريخ التسجيل
    Sep 2014
    الدولة
    Egypt
    المشاركات
    42

    كلام ذكريات الطفوله المشرده التي لاتنسي مع الانمي والمسلسلات الاجنبيه ( أدخل وقولنا عن اول مسلسل اجنبي شوفته او كرتون مدبلج)


    بسم الله الرحمن الرحيم

    سلامو عليكو ازيكوا ياشوباب
    يارب تكونوا بخير جميعا

    النهارده حبيت اشارك معاكوا بموضوع نستعيد بيه احلي زكريات زمان
    وقت اللمه اللي بقينا مفتقدينها الايام دي
    وقت اما كنا بنتجمع قدام التليفيزيون ف ايام الشتاء القارص بعد المغرب
    علي القناة التانيه المصرية الارضيه قبل م الستالايت يغزو البلاد العربيه
    الوقت اللي حابه احكي عنه هو اواخر التسعينات وما ادراك مالتسعينات طبعا لو حضراتكم مواليد اواخر تسعينات او بدايات الالفيه التالته يبقي مش هتحس باللي عايزه اقولوا ف اطلع برا التوبيك احسن
    نرجع لزكريات المسلسلات انا افتكر اول مره شوفت وتابعت مسلسل اجنبي
    كان اكشن (صراحة انا مكنتش بتفرج بمزاجي اخويا هو اللي كان متابع المسلسل اكتر مني )
    في منكم ناس ممكن تفتكروا لو ف سني او اكبر مسلسل Walker Texas Ranger




    تصدقوا انا مش فاكره المسلسل بس فاكره الاسم فضل ف الذاكره الدائمه عندي
    كتبته ف جوجل وشوفت بعض المقاطع ليه وقولت ياااااه اللي كنت بشوفه ده انا مبحبش المسلسلات الويسترن اساسا

    تاني مسلسل افتكره كان هركليز كان اسطورة بالنسبلنا وقتها
    ده بقي فاكره حلقاته لحد دلوقت هو وزيييينا زي ماكنا بنقولها زمان زينا وهركليييييز








    وافتكر برضه افضل انمي اتعرض ف الوقت ده كان السلاحف
    وكان في مسلسل برضه مشهور اوي اسمه باور رينجيرز كنت بحبه اوي







    دول تقريبا اللي شوفتهم وانا طفله تقريبا سنه 94 او 95

    (كنت لسا نونو)


    يارت تشركونا بالمسلسلات اللي انتو شوفتها وانتوا صغيرين






  2. #2
    TV Fan ( مدير الموقع )
    تاريخ التسجيل
    Dec 2013
    المشاركات
    824

    افتراضي رد: ذكريات الطفوله المشرده التي لاتنسي مع الانمي والمسلسلات الاجنبيه ( أدخل وقولنا عن اول مسلسل اجنبي شوفته او كرتون مدبلج)



    موضوع رائع جداً مواضيعك مميزة دايماً

    أنا بقى حب المسلسلات الأجنبية بدأ عندي من و انا عندي 10 سنين
    كنت بتفرج برده على هركليز و زينا
    على القناة التانية المصرية

    و كنت ببقى زعلان لما يلغوا الحلقة عشان نشرات الاخبار العاجلة

    و بعدين بدأوا يعرضوا مسلسل
    Beast Master اللي كان بيتخاطب مع الحيوانات بعينيه و كان وقتها حاجة خرافة و تحفة من تحف القرن ال 21

    و سندباد كنت مبتحركش من قدام التلفزيون و انا بتفرج عليه

    و بعدين بدأوا يعرضوا مسلسلات كورية
    زي Winter Sonata وكان من أفضل المسلسلات الرومانسية التراجيدية اللي شوفتها في حياتي برغم قصره و بساطته و يمكن ده اللي بيميزه

    و بعدين عرضوا مسلسل كده مش فاكر اسمه ايه كوري أو ياباني عن طباخة في قصر امبراطور بس متكملش على التلفزيون

    و بعدين بعدت فترة عن المسلسلات
    مع بداية ظهور موضة مشاهدة الافلام الاجنبي

    و نقطة الرجوع للمسلسلات مرة أخرى كانت مع Prison Break

    و اتبعتها بالتحفة الاسطورية Lost

    و بعدين Breaking Bad

    و طبعاً المسلسل الست كوم الاشهر
    Friends

    حتى وصلنا لنقطة اطلاق الموقع من كتر عشقنا للمسلسلات










  3. #3
    عضو نشيط
    تاريخ التسجيل
    Sep 2014
    الدولة
    Egypt
    المشاركات
    42

    كلام رد: ذكريات الطفوله المشرده التي لاتنسي مع الانمي والمسلسلات الاجنبيه ( أدخل وقولنا عن اول مسلسل اجنبي شوفته او كرتون مدبلج)


    بيست ماستر ده انا حاسه اني شوفته بس الذاكره بتاعتي مهنجه دلوقت هههه
    علي فكره انت فكرتني بمسلسل اسطوري كان عن شخص اسمه Kunta Kinte
    المسلسل اسمه Roots
    كان حزين اوي
    وكان في مسلسل برضه اتعرض ف التسعينات مكسيكي بس مكنتش بحب اللهجه بتاعتهم
    لكن دلوقتي مابصدق اني الاقي مسلسل مكسيكي مترجم ههههه الدراما عندهم عاليه اوي





  4. #4
    عضو نشيط
    تاريخ التسجيل
    Sep 2014
    الدولة
    Egypt
    المشاركات
    42

    افتراضي رد: ذكريات الطفوله المشرده التي لاتنسي مع الانمي والمسلسلات الاجنبيه ( أدخل وقولنا عن اول مسلسل اجنبي شوفته او كرتون مدبلج)



    انا بقي نقطة الرجوع بتاعتي كانت

    Charmed
    Buffy
    Angel
    Dark Angel
    وبريزون برييك طبعا شوفته (من اجمل المسلسلات اللي اتعملت ف تاريخ التليفزيون )
    ولوست مكملتوش ..





  5. #5
    TV Fan ( مدير الموقع )
    تاريخ التسجيل
    Dec 2013
    المشاركات
    824

    افتراضي رد: ذكريات الطفوله المشرده التي لاتنسي مع الانمي والمسلسلات الاجنبيه ( أدخل وقولنا عن اول مسلسل اجنبي شوفته او كرتون مدبلج)


    واضح انك بتحبي مسلسلات مصاصي الدماء
    للاسف انا مش بحب النوع ده ، المسلسلات اذواق زي الاكل و اللبس





  6. #6
    عضو نشيط
    تاريخ التسجيل
    Sep 2014
    الدولة
    Egypt
    المشاركات
    42

    كلام رد: ذكريات الطفوله المشرده التي لاتنسي مع الانمي والمسلسلات الاجنبيه ( أدخل وقولنا عن اول مسلسل اجنبي شوفته او كرتون مدبلج)


    اقتباس المشاركة الأصلية كتبت بواسطة Shams Smile مشاهدة المشاركة
    واضح انك بتحبي مسلسلات مصاصي الدماء
    للاسف انا مش بحب النوع ده ، المسلسلات اذواق زي الاكل و اللبس

    خلاص بقي النوع ده من المسلسلات مبقاش مثير ومرعب زي زمان
    ونادرا اما تلاقي حاجه مستواها كويس تقدر تشوفها
    عن نفسي اخر مسلسلين مصاصين هكمل متابعتهم ومش هشوف بعدهم
    The Vampire Diaries
    والمسلسل المشتق منه
    The Originals
    معتقدتش ان فيه حاجه هتتعرض وتتفوق عليهم ف المستقبل
    اوعي تقولي مش بتتفرج علي The Originals ؟!!!
    ده مسلسل وهمي بجد ادخل شوف تقييمه وعدد المشاهدات بتاعته
    انصحك بمتابعت الموسم الاول عشان الموسم التاني قريب يتعرض





  7. #7
    TV Fan ( مدير الموقع )
    تاريخ التسجيل
    Dec 2013
    المشاركات
    824

    افتراضي رد: ذكريات الطفوله المشرده التي لاتنسي مع الانمي والمسلسلات الاجنبيه ( أدخل وقولنا عن اول مسلسل اجنبي شوفته او كرتون مدبلج)


    طيب شوفتي المسلسل ده http://tv-egy.com/vb/t1/
    اعتقد الموسم التاني هيبقى اقوى من الاول كمان





  8. #8
    عضو نشيط
    تاريخ التسجيل
    Sep 2014
    الدولة
    Egypt
    المشاركات
    42

    كلام رد: ذكريات الطفوله المشرده التي لاتنسي مع الانمي والمسلسلات الاجنبيه ( أدخل وقولنا عن اول مسلسل اجنبي شوفته او كرتون مدبلج)


    اقتباس المشاركة الأصلية كتبت بواسطة Shams Smile مشاهدة المشاركة
    طيب شوفتي المسلسل ده http://tv-egy.com/vb/t1/
    اعتقد الموسم التاني هيبقى اقوى من الاول كمان

    انا كنت منزلة 3 حلقات منه لكن لسا مش شوفته
    بس هو اكيد حلو طالما بتمثل فيه ايفا جرين
    هكمل تحميلة بقي واشوفه من النهارده





  9. #9
    TV Fan ( مدير الموقع )
    تاريخ التسجيل
    Dec 2013
    المشاركات
    824

    افتراضي رد: ذكريات الطفوله المشرده التي لاتنسي مع الانمي والمسلسلات الاجنبيه ( أدخل وقولنا عن اول مسلسل اجنبي شوفته او كرتون مدبلج)


    طريقة التصوير و الموسيقى التصويرية غير عادية ، ده غير إن ايفا جرين اعتقد التزمت بنظام غذائي عشان تبقى رفيعة أكتر فتناسب جو الرعب الخاص بالمسلسل ده غير طبعاً شغل المكياج





  10. #10
    عضو نشيط
    تاريخ التسجيل
    Sep 2014
    الدولة
    Egypt
    المشاركات
    42

    افتراضي رد: ذكريات الطفوله المشرده التي لاتنسي مع الانمي والمسلسلات الاجنبيه ( أدخل وقولنا عن اول مسلسل اجنبي شوفته او كرتون مدبلج)


    انا فتحت حلقة دلوقتي .. اجواء المسلسل فكرتني بفيلم The Dark City








 
صفحة 1 من 2 12 الأخيرةالأخيرة

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •